medium_07-p1030235.jpg

small_07-p1030235.jpg

thumbnail_07-p1030235.jpg

07-p1030235.jpg

موضوع پر ۱۶-۱۴ سال کی عمر کے بہت اچھے انگریزی مقرر بحث و مباحثہ کرتے مل جائیں گے۔ کئی سارے جملے دہرائے جاتے ہیں۔ اگر آپ اسکولیتمام طلباء میں سب سے بڑے بچے کی عمر ۱۳ سال اور بقیہ کی ۱۰ سے ۱۲ سال کے درمیان تھی۔ انگریزی ٹی وی چینلوں پر ہونے والی بحثوں کو چھوڑ دیں، تو اسکول ڈِبیٹ سے زیادہ بورنگ کچھ ہی چیزیں ہوتی ہیں۔ عام طور پر ’گاندھی کی اب بھی معنویت ہے‘ جیسے ڈبیٹ کے ایسے ہی ایک پروگرام میں مہمانِ خصوصی ہوں، تو آپ اپنی جماہی کو دباتے ہیں اور پروگرام ختم ہونے کا انتظار کرتے ہیں۔حالانکہ، یہاں میں اپنی کرسی پر پرجوش ہو کر بیٹھا تھا۔ یہ ۱۳-۱۰ سال کے بچے جینیٹکلی موڈیفائیڈ (جینیاتی طور پر ترمیم شدہ) فصلوں پر بحث و مباحثہ کر رہے تھے۔ دونوں ہی فریق با صلاحیت تھے۔ ہر مقرر اپنے موضوع کے بارے میں اچھی طرح جانتا تھا اور اس سے گہرائی کے ساتھ جڑا ہوا تھا۔ تقریر کا مواد، معیار اور مقررین کا جوش سننے اور دیکھنے لائق تھا۔ باتیں اکثر تلخ اور مدلل طریقے سے رکھی جا رہی تھیں، لیکن بے حد شائستگی کے ساتھ۔ پیلے چاول (گولڈن رائس)، وِٹامن کی کمی، فصلوں کو لگنے والے کیڑے، آرگینک فارمنگ (نامیاتی کھیتی)، کرائی جینس، اُلٹی زیرہ پوشی اور آلودہ فصلیں۔ آپ نے نام لیا نہیں کہ انہوں نے بتانا شروع کر دیا۔ اور، بہترین طریقے سے اپنی بات رکھ رہے تھے۔بحث کی نظامت کرنے والی خاتون انتہائی معتدل اور پختہ مزاج تھیں۔ وہ ایک اسٹاپ واچ کے ساتھ بیٹھیں اور مقررین ابھی اپنا جملہ ختم بھی نہیں کر پائے تھے کہ انہوں نے وقت ختم ہونے کا اعلان کر دیا۔ ہم نے اسکول کے پرنسپل سے یہ پوچھنے کے بارے میں سوچا کہ کیا ٹی وی اینکروں کو ان کے طلباء کے ذریعے منعقد ہونے والے از سر نو تعلیم کے کیمپ میں داخلہ دلایا جا سکتا ہے۔یہاں بحث و مباحثے میں شامل زیادہ تر مقررین پہلی نسل کے انگریزی بولنے والے ہیں۔ حالانکہ، انہوں نے اس زبان میں اپنے دلائل پوری روانی کے ساتھ رکھے (پوری ڈبیٹ <a target="_blank" rel="noopener noreferrer" href="https://ruralindiaonline.org/en/articles/%D9%85%D8%A8%D8%A7%D8%AD%D8%AB%DB%81/">یہاں</a> دیکھیں)۔تمل ناڈو کے وِدیا وَنم اسکول میں ’پروجیکٹ ڈے‘ کا موضوع چاول تھا۔ اور میں اِن اسکولی بچوں سے ایسی ایسی باتیں جان پایا، جو مجھے پہلے معلوم نہیں تھیں۔ میں نہیں جانتا تھا کہ آٹوموبائل کلچر کی علامت ’ٹویوٹا‘ لفظ زراعت سے نکلا تھا۔ میں نہیں جانتا تھا کہ بنیادی لفظ ’ٹویوڈا‘ ہے اور اس کا مطلب ہوتا ہے ’زرخیز‘ یا ’دھان کے خوبصورت کھیت‘۔ یا مجھے یہ نہیں معلوم تھا کہ کمپنی کی شروعات کرنے والوں نے زراعت کی دنیا کے اس سادگی بھرے لفظ سے خود کو الگ کرنے کے لیے ’ڈی‘ کو ’ٹی‘ سے بدل دیا تھا۔میں یہ بھی نہیں جانتا تھا کہ ہونڈا کا مطلب ہوتا ہے ’دھان کے اصلی کھیت‘ یا ’دھان کے کھیتوں کا ذریعہ‘۔ اور اگر آپ یہ دعویٰ کرنے جا رہے ہیں کہ آپ جانتے تھے کہ ’نکاسون‘ کا مطلب ہوتا ہے ’جڑ کا درمیانی تنا‘ یا ’فوکودا‘ کا مطلب ہوتا ہے ’دھان سے بھرا کھیت‘ تو مجھے معاف کیجئے۔ میں نہیں جانتا تھا۔ حالانکہ، یہ بچے جانتے تھے۔ پروجیکٹ ڈے پر اپنی سالانہ نمائش میں اِن موضوعات پر انہوں نے پوسٹر اور اسکیچ بنا رکھے تھے۔اِن چھوٹے بچوں نے مجھے وہ پانچ چھوٹے کھیت بھی دکھائے، جن میں یہ دھان اُگا رہے تھے۔ ان بچوں نے ہمیں دھان کی تمام قسموں اور ان کے تیار ہونے کے مختلف مراحل کے بارے میں بتایا۔ ان کے ساتھ کوئی ٹیچر نہیں تھا اور نہ ہی انہیں کوئی اور بتا رہا تھا۔ ان میں سے کچھ غریب کسانوں اور بے زمین مزدوروں کے بچے تھے۔

پروجیکٹ ڈے بہت خاص دن ہوتا ہے۔ بہت سے غریب اور ناخواندہ والدین یہ دیکھنے کے لیے آتے ہیں کہ ایسے اسکول میں ان کے بچوں نے کیا سیکھا، جہاں متعینہ نصابی کتابیں نہیں پڑھائی جاتیں۔ وِدیا وَنم کا مطلب ہے ’جنگل میں سیکھنا‘۔ اور یہاں یہی ہو رہا ہے۔ کوئمبٹور سے تقریباً ۳۰ کلومیٹر دور، تمل ناڈو و کیرالہ کی سرحد سے ملحق پہاڑیوں میں واقع اَنئی کَٹی کے اس اسکول میں تقریباً ۳۵۰ اسٹوڈنٹس پڑھتے ہیں۔ یہ سبھی بچے اِیرولا آدیواسی، آدی دراوڑ اور پس ماندہ طبقے سے تعلق رکھتے ہیں۔ ان کے لیے ایک اسکول بس چلتی ہے، مگر دور دراز سے کچھ طلباء سائیکل یا پیدل ہی اسکول آتے ہیں، کیوں کہ وہ ایسے گاؤوں میں رہتے ہیں جہاں بسیں نہیں پہنچ سکتیں۔ وِدیا وَنم اِیرولاؤں کے درمیان اتنا مقبول ہو چکا ہے کہ کچھ کنبے تو اسکول کے پاس کے گاؤں میں رہنے آ گئے ہیں۔نو سال قبل پریما رنگچاری کے ذریعے قائم کیے گئے اس اسکول میں کِنڈر گارٹن (کے جی) سے لے کر آٹھویں کلاس تک کی پڑھائی ہوتی ہے۔ یہ دو لسانی اسکول ہے۔ وہ کہتی ہیں، ’’یہاں بچے آٹھ سال کی عمر تک تمل اور انگریزی، دونوں زبان میں پڑھتے ہیں۔ اس کے بعد ہم انگریزی پر زیادہ دھیان دیتے ہیں۔‘‘ وہ مزید بتاتی ہیں، ’’جب ہم نے یہاں ایک اسکول بنانے کو لے کر بات کی، تو ایرولا آدیواسیوں کا یہی مطالبہ تھا۔ انہیں لگتا تھا کہ انگریزی کی کمی کے سبب ان کے بچے، انگریزی میڈیم کے اسکولوں میں پڑھنے والے خوشحال گھرانوں کے بچوں سے پچھڑ جائیں گے۔‘‘ یہ والدین ایسے اسکولوں کے اخراجات کبھی نہیں برداشت کر سکتے۔ وِدیا وَنم آدیواسی اور دلت بچوں کے لیے پوری طرح مفت ہے۔ اسکول میں آدھے سے زیادہ طالب علم انہی برادریوں سے ہیں۔ جب کہ باقی بچے ہر مہینے ۲۰۰ روپے کی فیس ادا کرتے ہیں۔۷۳ سالہ رنگچاری اس اسکول کی بانی پرنسپل اور ڈائرکٹر ہیں۔ طلباء انہیں پاٹی (دادی) کہہ کر پکارتے ہیں۔ اسکول کے احاطہ میں ان کے گھر کی دیوار پر لگے سائن بورڈ پر لکھا ہے: پاٹی ویڈو (دادی کا گھر)۔انہوں نے مجھے پروجیکٹ ڈے کی تقریب میں مہمانِ خصوصی کے طور پر مدعو کیا تھا، تاکہ میں طلباء، ان کے والدین سے بات کروں اور نمائش دیکھوں۔ میں نے پہلے نمائش دیکھنے کی بات کہی، اور پہلے وہی کیا بھی۔ یہ جانے بغیر کہ وہ کتنا جانتے ہیں اُن بچوں سے بات کرنے کا مطلب خود کو بیوقوف ثابت کروانے جیسا تھا۔تقریباً ۱۵ سے ۲۰ الگ الگ سیکشن میں اور ایک بڑے سے ہال میں لگی اِس نمائش نے مجھے اِس مشکل سے بچا لیا۔ ہر میز، ہر دیوار ایسے پرجوش طالب علموں کے گروپ سے گھری تھی جو اپنے موضوع پر حاصل کیے گئے علم (صرف معلومات نہیں) کو شیئر کرنے کے لیے بے چین تھے۔ ایک لمبی میز پر لوگوں کو طرح طرح سے پکائے گئے چاول کے نمونے دیے جا رہے تھے۔ (اور انہیں بچوں نے پکایا تھا۔)یہاں کے ٹیچر بھی دلچسپ ہیں۔ ان میں سے زیادہ تر تو مقامی ہیں اور بہت سارے تو خود ایرولا برادری سے ہیں۔ یہاں مغربی بنگال کے شانتی نکیتن سے بھی ٹیچر ہیں، جو آرٹس کی کلاسیں لیتے ہیں۔ اس کے علاوہ، دیگر ریاستوں اور دوسرے ممالک سے بھی رضاکار ٹیچر ہیں، جو وِدیا وَنم میں ایک سال تک اپنا وقت دیتے ہیں۔ یہ ساری چیزیں طالب علموں کو الگ الگ تہذیبوں کے بارے میں سیکھنے میں مددگار ثابت ہوتی ہیں۔ ان بچوں نے، جن میں سے زیادہ تر نے کبھی کوئمبٹور ضلع سے باہر قدم نہیں رکھا، ہندوستان کے الگ الگ حصوں کی عکاسی کرنے والے گانے گائے، ڈانس کیا اور چھوٹے ناٹک پیش کیے۔ پروجیکٹ ڈے پر آئے ناظرین میں زیادہ تر غریب والدین ہیں، جنہوں نے شاید یہاں آنے کے لیے ایک دن کی اپنی مزدوری گنوا دی ہے۔یہ عجیب لگتا ہے کہ اس اسکول کو سرکار کی طرف سے منظوری نہیں ملی ہے۔ سنٹرل بورڈ آف سیکنڈری ایجوکیشن (سی بی ایس ای) سے الحاق کی کوششوں میں اڑچنیں آتی رہی ہیں۔ حالانکہ یہ اسکول اپنے نویں تعلیمی سال میں داخل ہو چکا ہے، لیکن اس ادارہ کوسرکار کی جانب سے این او سی دینے سے ابھی تک انکار کیا جا رہا ہے۔ تعجب کی بات ہے۔ اور، تمل ناڈو کے جنگلوں میں واقع اس اسکول کو ابھی بھی ریاست کی نوکرشاہی کے جنگل کے درمیان سے اپنا راستہ تلاش کرنا باقی ہے۔

مترجم: محمد قمر تبریز

تعلیم کے جنگل میں چاول پر بحث

গহীন বনের মাঝে শিক্ষায়তনে শিখলাম ধানের ধারাপাত

Debating rice in the forest of learning

অৰণ্যৰ পঢ়াশালিত ধানৰ ওপৰত তৰ্ক

ଶିକ୍ଷାର ବଣରେ ଚାଉଳ ଉପରେବିତର୍କ

അറിവിന്റെ ആരണ്യത്തിൽ അന്നത്തെക്കുറിച്ചൊരു സംവാദം

ಕಲಿಕೆಯ ಕಾಡಿನಲ್ಲಿ ಭತ್ತದ ಕಲರವ

शिक्षा का वन, बहस में धान

'நெல்' விவாதம். ஒரு கல்விச் சோலையில்

Anaikatti

At present, we can only accept donations in Indian rupees by Indian citizens. All donations made to the CounterMedia Trust are eligible for exemption under Section 80G of the Income Tax Act, 1961. Here is a copy of our exemption certificate.


India is bigger than New Delhi. And people need to know more about the rest of this vast nation.


Younger, media-saturated generations are growing up knowing little about their country, but a lot about the elites of a few metros and towns. For a narrowly-owned, commercially-driven media, the dumbing down of a nation is part of standard operating procedure. The last available data of the Centre for Media Studies (CMS, Delhi) show us that reports from New Delhi account for 66 per cent of news on the front pages of major dailies. The CMS data also found that just about 0.24 per cent of front page news came out of rural India. The TV channels are not much better.PARI exists to change that.We are a non-profit organisation. We publish under creative commons, and do not charge readers a subscription fee or put-up advertisements. Nothing is behind a paywall and we are completely free-to-access by anyone. We guard our independence and receive no direct grants from governments and corporations, nor any funding that could dictate our content. So, we are dependent on volunteer labour, donations from individuals, foundations and institutions that see value in independent and free media.PARI is changing the way Indian journalism reports and documents the rural.India is more than the elite of a few metros and towns. We report on rural lives and livelihoods, languages, communities, migrants and more. We need your help to pull off this most ambitious of Indian journalistic endeavours. The scale of this effort costs money. Donate generously - and spread the word about PARI.&nbsp;

Donate FAQs


ଆସନ୍ତୁ ଆପଣଙ୍କୁ ପରିଚିତ କରାଇବା

ପରୀକୁ ସ୍ୱାଗତ

ଆମର ସମସ୍ତ ବିଷୟବସ୍ତୁ ସବୁବେଳେ ବ୍ୟବହାର ପାଇଁ ମାଗଣାରେ ଉପଲବ୍ଧ ରହିବ। ଯଦି ଆମର କାମ ଆପଣଙ୍କୁ ଭଲ ଲାଗୁଛି, ଆପଣ ସ୍ୱେଚ୍ଛାସେବୀ ଭାବରେ ଆମକୁ ସହଯୋଗ କରିପାରିବେ କିମ୍ବା ଆମ କାମ ପାଇଁ ଆର୍ଥିକ ଅନୁଦାନ ପ୍ରଦାନ କରି ଆମକୁ ସାହାଯ୍ୟ କରିପାରିବେ।

Want to republish this article? Please write to <a href="mailto:zahra@ruralindiaonline.org" target="_blank" rel="noopener noreferrer">zahra@ruralindiaonline.org</a> with a cc to <a href="mailto:namita@ruralindiaonline.org" target="_blank" rel="noopener noreferrer">namita@ruralindiaonline.org</a>

تعلیم کے جنگل میں چاول پر بحث

تمل ناڈو میں آدیواسیوں اور دلتوں کا ایک شاندار اور مفت اسکول، لیکن ریاست نے منظوری دینے سے منع کر دیا

Related stories

بسواس اور ان کی سائیکل پر لدا بانس

گوڈا میں سائیکل سے سینکڑوں کلو کوئلے کی ڈھلائی

گوا کے بھدیل

صبح کی چہل پہل سے بھرا چنئی کا پھول بازار

دیہی ہندوستان کی ’جُگاڑ‘ سے بنی ’چھکڑا‘ گاڑی

بیلاری میں سرخ بادل کے نیچے زندگی

کالی: ڈانسر اور ان کے خواب

کسانوں کی قسمت میں ایک مجرم سے بھی بدتر کھانا

یَوَت مال میں، زندگی جاری ہے

خودکشی زندوں کے لیے ہے، مردوں کے لیے نہیں

ایک بڑھئی کی موت

خواتین کسان ۔ اننتا پور میں زندگی کو بُنتے ہوئے

ڈھنکیا میں نافرمانی

کیرالہ کی گرین آرمی

مہنگے علاج کے سبب کسانوں نے چھوڑا اسپتال جانا

کُڈمباشری کی اسمبلی یونٹ میں پیمانہ بندی

گنا کاٹنے والے مزدوروں کی خستہ حالی

پہاڑ کا مقدر انتخابات پر بھاری

غیر قانونی کانکنی کا گراؤنڈ زیرو

دیہی خواتین: میل کے پتھر، چکّی کے پاٹ اور کروڑ پتی

کام ہی کام، عورتیں گمنام: آن لائن تصاویر پر مبنی نمائش

کوئلے کے سائے میں زندگی

سماج میں قابل احترام بھانگڑ ڈیہہ کی عورتیں

۳۶ ٹیوب ویل اور کھدائی، گہرائی سے نکلتا ایک ضروری پیغام

اکیلی، خود اپنے سایہ میں